Bariisle:Tuesday,September 28,2010(Bariisle)Ceebtii ka Dhacday CAYNABA & Cadaalad Darada Somaliland Ay ku Caanbaxday!
(LONDON)Haddi aan wax yar ka idhaahdo Arimaha ka Dhacay magaalada CAYNABA maalmihii la soo dhaafay. Ee ku saabsan labada Dumara ee la kala yidhaahdo Asiya Jamac Ali iyo Xiis Mohamed Diiriye Ee laga Afduubay Maxkamada ku dhex taala Magaalada CAYNABA ee Gobalka seeraar.

Arintaasi waxay na xasuusinaysaa Khader Qodax Digaale oo la yidhi wuxuu dilay Fanaankii Ahmed Gaceyte Inta maxkamad Magaalada hargeisa la soo taagay waxba lagu waayey oo aanu ka codsanay Qaadigii in la sii daayo.Dabeeto wuxuu yidhi qaadigii ma sii deynayno sababtoo ah Nabad galyadiisa ayaa Khater ku jirta iyadoo jeelkii magaalada hargeisa ku yaalay dib loogu celiyey ka dib waxaa dhacday in jeelka dhexdiisa lagu Garaacay Khader Qodax Digaale oo ilkaha laga daadiyey. Mudo ka dibna la yidhi ninkii waa dhintaye kaalaya meydkiisa qaata.
Qofku danbi uu gali karaa waayo waa Ibnu Adem marka se danbigii la baadho hadii wax lagu helo qofkii waa in danbigii lagu qaado haddii lagu waayana waa in la iska sii daayaa Billaahi calaykum ma waxa sharci ah in lahayo Qofka ka soo jeeda Beesha Gabooye ilaa inta uu ka dhimanayo. Aan su,aal idiin weydiiyee muxuu yeeli lahaa qof idinka idin kamida oo hooyadii ,walaashii, sodohdii ama xaaskiisa suuqa badhtankiisa la jiido Dareenkuunu muxuu noqon lahaa ? waxaan aaminsanahay arintaas oo kale inaanay marnaba anaga naga suuroodeen hadaad hadii aad nooshahay waxwalba waa laga yaabaa inaad aragto.

Waxaanu moodeynay in ay meesha Dowlad dadka oo dhami u simanyihiin ay ka jirto wadanka waxaa cadaatay hadalkii uu Gudoomiyuhu yidhi Tiinka iyo Garanwaagaba wadanka waan ka cidhib tirayaa waxaa kaloo na qaladay markay doorashadii dhamaatay hadalkii uu Madaxweynuhu yidhi ee ahaa Dadka laga tirada badan yahay xuquuqdooda waanu ilaalinaynaa. Dhacdadani ma hadyadii lanoogu balan qaadaybaa.

Waxaan hadalkeyga ku soo gaba-gabaynayaa waxaan leeyahay idinkuna Nimcada ha iska daadinina Anagana Nabad galayada ha noo diidina.waxaan u mahad naqayaa Odayashaa,Salaadiinta,Dhalinyarada,Dumarka ka soo jeeda Beesha Gaabooye kana gil-gishay arintaas ee ka sameeyey Mudaaharaad Magaalada Burco iyo inta damiirkoodu noolyahay ciday doontaba ha noqotee arintaas ka damqatay oo aanu leenahay waad mahadsantihiin.
Wabilaahi Tawfiiq
Gabooye Minority Organisation,Europe & North Amrica
Mohamed Nuur Mooge(Somali6)
E-Mail:somali6@hotmail.co.uk

Bariisle:Thursday,August 12,2010(CANADA)Wareysigan ayaa ah miduu kaga hadlayo’mr gaboye”calaad la aanta beelaha gabooye ee jsomaliland..

 Bariisle:Thurday 20 May 2010(HARGEISA)Anigoo kuhadlaya magacayga iyo kan Beesha Muuse Dheriyaba waxan tacsi u diraya ilahay naxaristijano hakawarabiye{Marxuun Abdullahi Heybe Mire }   oo kamid ahaa odayasha beesha muuse dheriyo,waxanan ilahay uga baryayna marxumka inuu janadi fadawsa uu kawarabiyo ehelki iyo qarabadi iyo dhaman beesha muuse dheriyaba Inalilahi wa ina ilayhi rajucun.

Waxa tacsidan diraya suldan maxamed suldan cabdi ismaciil iyo xaaskiisa ifrax cabdi jamac iyo dhaman jaliyadaha beesha muuse dheriyo ee qaarada yurub

                                              Inalilahi wa ina ileyhirajucun.

Bariisle:Thursday 20 May 2010(LONDON)waxaan Tacsi u dirayaa Ehelkii iyo qaraabadii u ka baxay  Marxuun ABDULLAHI HEYBE MIRE oo Dhawaan  ku Geeriyoodey Magaalada Hargeisa Alle waxaan uga baryeyaa Inuu U Naxariisto Ehelkii iyo Qaraabadii uu kabaxayna Samir iyo Iiman Alle ha ka siiiyo

waxaan Tacsi u diraysa Ehelkii iyo qaraabadii Ay ka baxday Marxuumad XABIIBA CISMAAN DHABAR oo ku geeriyotay Magacalada  Dubai 18/05/2010

Alle waxaan uga baryeyaa Inuu U Naxariisto Ehelkii iyo Qaraabadii uu kabaxayna Samir iyo Iiman Alle ha ka siiiyo

Allaahuma Aamin Allaahuma Aamin

Mohamed Nuur Mooge(somali6)

Allaahuma Aamin Allaahuma Aamin

Maamulka Bariisle.com

Email:bariisle@gmail.com

Bariisle:Tuesday 13 April 2010(BURCO)Anagoo ah dhamaan dadka hoos ku qoran waxaanu tacsi halkan ugu gudbinaynaa eheladii iyo asxaabtii geeridii ku timid marxuumad  Muxibo cabdulaahi Guuleed oo ku geeriyootay

magaalada Burco  12/04/2010

1. Mahamoud Ali laangadge iyo xaaskiisa
2. Cabdulaahi  cali laangadhe iyo xaaskiisa 
3. Axmed   cali  laangadhe iyo xaaskiisa
4. Dhamaan   ilmo  cali laangadhe
5. xaamud   cabdi   maxam   iyo
6. mustafe  cabdi  maxamed 
7. cabdi   maxamed jaamac 
8. cabdi  gurey iyo

dhamaan  Reer  maxamed jaamac waxaanu  ilaaahay uga baryaynaa inuu marxuumadaa janatal  furduusa ka waraabiyo ehelkeedii iyo anagana samir  iyo  iimaan naga siiy

Kulankan oo uu soo qaban qaabiyey Ururka Codka  haweenka laga tirade badan yahay ee VOSOMWO isla markaana Maalgalisay NED.

 Bariisle:Tuesday 30 March 2010(HARGEISA)Gudoomiye ku xigeenka komishanka xuquuqul insaanka somaliland Xasan sh. Maxamed aw cali ayaa axadii doraad aqoon is weydaasi halmaalin socday Hargeisa gaar ahaan huteelka Dalxiis restaurant  uga furay 35 xubnood oo ka kala socday ururada bulshada, Cuqaasha, Salaadiin, iyo Aqoonyahano ka tirsan dadka laga tirade badan yahay ayaa uga .

Aqoon is weydaarsigan oo ay lagaa hadlayey sidii loo dardargelinta lahaa sidii dadka hal-doorka ah ee ka soo jeeda beelaha la hayb-sooco uga qay qaadan lahaayeen siyaasadda dalka oo ay sheegeen in imika ay ka maqan yihiin ayaa waxaa maalgalisay hay’adda calamiga ah ee NED, waxaana fuliyay ururka haweenka beelaha lag tirade badan yahay ee VOSOMWO.

Munaasibadii furitaankan siminaarka oo ahaa mid muhiim u ah dadka hormoodka u ah beelaha la hayb-sooco, ayaa ka qayb-galay shakhsiyaad muhiim u ah dadka  laga tirade badan yahay, Gudoomiyaha ururka  VOSOMWO Nimco Eid Sallan ayaa ka warantahay ujeeddada ay ka leeyihiin tobobarkan iyo tabobaro sidan oo kale ah oo ay sheegtay in ururkoodu mar walba qabto waxayna tilmaantay in hadafka ugu weyni yahay sidii dadka laga tirade badan yahay ay u helilahaayeen xuquuqdoodda aasaasiga ah ee ka maqan sida ka qayb qaadarashad siyaasadda dalka iyo waliba horumaninta xag kasta.

Marwo Nimco Iid  waxaa kale oo ay sheegtay in aqooon is weydaarsigani qayb ka yahay barnaamij ururkoodu ugu talla galay in uu ku wacyi geliyo beelaha laga tirade badan yahay sidii ay doorashooyinka soo socda u heli lahaayeeen saamigooda iyado oo carrabka ku dhufatay in  golayaasha qaranku muddooyinkii u dambeeeyey wadeen mooshin kooto ay ugu xidhayaan sidii ay haweenku saami go’an uga qaadan lahaayeen golayaasha qaranka sida golaha wasiirrada, Barlamaanka {Guurtiga iyo Wakiilada} sidaasi si la mid ahna uu ururkoodu ku hawlan yahay isla markaana geed dheer iyo mid gaabanba u fuuli doono sidii a beelaha la hayb-sooco kooto ugu heli lahaayeen saamigooda xaga ka qaybgalka siyaasadda.

Gudoomiyihuru waxaa kale oo ay u soo jeedisay  guud ahaan dadka la hayb-soocaa in ay fadhiga ka kacaan oo ay raadsadaan xaqooda kaga  maqan beelaha kale ee ay walaalaha yihhin, Gud. Nimco waxaa kale oo ay u mahadnaqday  dadkii ka soo qaybgalay iyo waliba hayadda NED oo ah Haayada Maalgalisay aqoon is waydaarsigan iyada oo sheegtay in ay marar badan ka taageertay barnaamijyo kala duwan oo ku qotomo beelaha la hayb-sooco .

Waxaa kale oo ka hadlay madasha Boqorka Beelaha laga tirade badan yahay Boqor Axmed Iiman Warsame oo isaguna ka hadlay furitaankii kulankan ayaa si qoto dheer uga warramay sooyaalkii taariikheed ee ay ku noolaayeen beelaha la haybsooca iyo sida ay uga qatanaayeen xaqoodda, waxaana uu soo jeediyay in hadda wixii ka dambeeya ay fiiro gaar ah u yeeshaan daboolida wixii ka maqan.

Boqor ahmed waxaa uu u mahadnaqay u soo jeediyey ururka VOSOMWO oo uu ku tilmaamay in uu yahay urur wax badan u qabtay horumarka beelaha la hayb-sooco, Gudoomiye ku xigeenka komiishanka xuquuqul insaanka Mr. Xasan Sh. Maxamed aw Cali, oo isaguna halkaa ka hadlay isla markaana furay siminaarkan ayaa mahadnaq ballaadhan u jeediyay ururka VOSOMWO iyo Hayaddaha ka Caawisay tobobaradan iyo aqoon is weydaarsiyadda sedan oo kale ah .

Ururka VOSOMWO oo ah urur ay ku bahoobeen haween ka soo jeeda beelaha la hayb-sooco ayaa inta badan qabta tabbato aqoontoodo sare loogu qaadayo dadka la hayb-sooco si ay xaqooda iyo waxa ay waajibaad u leeyihiin u soo dhacsadaan, kulanka waxaa uu ku soo gabagaboobay waji farxad leh.

MAHADCELIN,

GUD. NIMCO EID SALAN

And All VOSOMWO Staff members

HEAD OFFICE: HARGEISA

          SOMALILAND.

Qaar ka mid ah Ardayda wax barashada u aaday wadanka Pakistaan oo la hadlayay Idaacada Shabelle ayaa waxaa ay sheegeen in ay soo foodsaartay dhibaatooyin dhanka waxbarashada kadib markii sida ay sheegeen laga diiday aqoonsiga shahaadooyinkii ay wax ku baranayeen.

Waxaa ay tibaaxeen ardaydaasi in kumanaan arday ah oo ka kala yimid dalal farabadan ay wax ka bartaan Jaamacadaha kuyaala wadankaasi Pakistaan kuwaasi oo ay sheegeen in shahaadooyinkoodii ay saxiixeen wasaaradaha waxbarashada ee dalakooda balse waxaa ay sheegeen in iyagu aanay heysan wasaaradii waxbarasho ee u saxiixi laheyd Shahaadooyinkooda.

Waxa ay intaasi ku dareen ardaydaasi Soomaalida ah ee waxbarashada u jooga dalka Pakistaan in markii hore ay garab ka heli jireen Wasiirkii waxbarashada ee dowladda KMG ee Soomaaliya kaasoo ku geeriyooday qaraxii 3-dii December ee sanadkii tagay ka dhacay Hoteelka Shaamoow ee Magaalada Muqdisho.

Ardaydu waxaa ay sheegeen in wixii xiligaasi ka dambeeyay oo aanay jirin wasaarad Waxbarasho ay soo wajahday dhibaato iyo cadaadis uga imaanaysa Waaxda Waxbarashada ee dalka Pakistaan taasoo inta badan ku cel celisay oo weydiisay Shahaadooyinkii u fasixi lahaa waxbarashadood.

C/nuur Max’ed Axmed oo ka mid ah ardaydaasi oo Shabelle xalay u waramayay ayaa sheegay in inta badan shahaadooyinkii ay ardeydu u qaateen wadanka Pakistaan ay yihiin kuwii ay kala tageen dalka Soomaaliye hase ahaatee waxaa uu tilmaamay in xaqiijinteeda laga doonayo Wasaarada Waxbarashada ee dalka Soomaaliya.

Waxaa uu sheegay in haatan ilaa 50 arday oo Soomaaliyeed ay dhibaato ka heysato wax ka barashada Jaamada International Islamic University taasoo ay haatan wax ka bartaan 50-kun oo arday kuwaasi oo ka soo kala jeeda Quumiyado kala duwan.

Ugu dambeyntii ardaydaasi Soomaalida ee wax barashada u aaday wadanka Pakistaan  ayaa waxaa ay ka codsadeen dowladda KMG ee Soomaaliya in sida ugu dhaqsiyaha badan ay wax uga qabato dhibaatada dhanka waxbarashada ee haatan la soo gudboonaatay oo ay u diraan Pakistaan wasiiro dhanka waxbarashada ah.

“Waxaan ka codsnaynaa dowladda KMG wasaaradaheeda arintaan ay quseyso ee Wasaarada tacliinta iyo Waxbarashada wallow wasiiradoodii ay ka geeriyoodeen in ay maqlaan qeyla dhaanteena oo ay wax ka qabtaan cabashadeena” ayuu yiri Cabdi Nuur.

Horay ayaa safaarada Soomaalida ee dalka Pakistaan waxaa ay ardayda Soomaaliyeed ee halkaasi waxbarashada u tagay ay ku wargalisay in 17-kii December ee sanadkii 2009-ka ay dalkaasi Pakistaan ugu tagayaan Wasiiradii Waxbarashada iyo Tacliinta Cadoow iyo Waayeel kuwaasi oo 3-dii December ku geeriyooday qaraxii Shaamoow ee Magaalada Muqdisho.

Cabashadaani ku aadan dhibaatooyinka waxbarasho ee ka soo yeeraysa ardayda Soomaaliyeed ee waxbarashada u aaday dalka Pakistaan ayaan la ogeyn sida ay uga jawaabi doonto dowladda KMG ee Soomaaliya iyadoo wali aan la shaacin Wasiiradii badalay kuwii waxbarashada ee ku dhintay Hoteelka Shaamoow ee Magaalada Muqdisho sanadkii la soo dhaafay.

Bariisle:Saturday 20 March 2010(Kuwiat)Hanbaylo ! Dhalinyarada kubada Cagta Ee Shubayaashaa Oo ku Guuleystay koobkii Dhalinyarada somaliyee oo lagu Qabtay Dalka Kuwait

1. Rashiid axmad shube
2. cabdexakiim khadar tubeec
3. cabde ali osman
4. maxamad axmad salad
5. axmad adan tubeec
6. maxamad axmad shube
7. cabdenasir adan tubeec
8. xamsa cumar jiingo
9. fayis maxamad jamac
10. maxamad cabde saliban
11. eedle mahad ayanlih
12. xamsa adan osman
13. maxamad cumar osman

Kulan lagu gorfanaynayey sidii dadka Lahayb-sooco uga qaybqaadan lahayeen hoggaaminta siyaasadeed ee talada dalka, ayaa shalay oo Salaasa ahayd ka furmay hotel Imperial ee magaalada Hargeysa.
Kulankan oo socon doona muddo laba maalmood ah, waxa ka qaybgalay isla markaana loo qabtay masuuliyiin ka kala socda Baarlamaanka, asxaabta qaranka,Salaadiinta iyo waxgaradka beelaha la haybsooco, xubno ka mid ah ururrada bulshada iyo waliba Qaarka mid ah ardayda jaamacadaha kala duwan dhigta ee ka soo jeeda beelaha la hayb-sooco.
Kulankan oo ay soo qabanqaabisay ururka waddaniga ah ee VOSOMWO,isla markaana ay maalgalisay Ururka Caalamiga ah ee NED  ayaa furitaankiisii waxa ka qaybgalay Agaasimaha Wasaaradda Qoyska Md. Cabdiraxmaan Maxamed Maal, Guddoomiye-ku-xigeenka Komishanka Xuquuqal-insaanka, Md. Xasan Sh.Maxamed Awcali, xildhibaano ka socday golaha Guurtida iyo wakiilada oo ay ka mid yihiiin xildhibaan Jirde Siciid Maxamuud, xildhibaan Faadumo Jaamac ileeye, Xildhibaan Cabdiraxmaan Caalim [Wakiillada iyo Guurtida].
Guddoomiyaha ururka VOSOMWO Marwo Nimco Iid Salaan oo furitaankii munaasibadda ka hadashay, ayaa ugu horreyn faahfaahin ka bixisay ujeeddada kulankan, iyada oo ku dheeratay ahmiyadda uu u leeyahay dadka laga tirada badan yahay oo ay tilmaantay inuu ururkoodu door weyn ka ciyaaro sidii ay ugu wacyigelin lahaayeen dadka la hayb-sooco inay ku dhiirigaliyaan ka qaybqaadashada talada dalka iyo doorashooyinka soo socda.
Agaasimaha Wasaaradda Qoyska Md. Cabdiraxmaan Maxamed Maal, ayaa sheegay inay ka wasaarad ahaan kaalin muhiim ah ugu jiraan dadka laga tirada badan yahay, waxaannu ugu baaqay inay gebi ahaan magaca hayb-sooc laga joojiyo dadkaas, isaga oo u soo jeediyey inay dedaal badan sameeyaan sidii ay kaalintooda u buuxin lahaaayeen.
Waxa kale oo halkaa ka hadlashay Faadumo Jaamac oo ka mid ah Xildhibaannada Golaha Guurtida, ayaa sheegtay in aannu jirin wax la yidhaahdo hayb-sooc, balse waqtigan lagu tartamayo aqoon, iyada oo xustay in dadka laga tirada badan yahay looga baahan yahay inay ku dhiirradaan ka qaybqaadashada talada dalka, isla markaana kaalintooda buuxiyaan.
Suldaan Naasir oo ah suldaanka guud ee Muuse-dheriyo, ayaa isagu ku dheeraaday duruufaha haysta dadka laga tirada badan yahay, isaga oo xusay inay ka mid yihiin inay ka qaybqaataan talada dalka masuuliyiinta ugu jira dawladda amma madax-dhaqameedka oo kaalintii ay ku lahaayeen gabay ama ka soo bixiwaayey, waxaannu ugu baaqay inay dedaal sameeyaan sidii dadka laga tirada badan yahay aqoontoodu u horumarin lahaayeen, isla markaana uga dhex muuqan lahaayeen saaxadda talada ee siyaasadda dalka.
Waxaa kale oo iyana ka hadlay madasha masuuliyiin ka socda saddexda xisbi qaran ee ka jira Jamhuuriyada Somaliland, Xisbiga talada haya ee UDUB oo uu ka socda Md, Axmed Cali Xasan, Xisbiga mucaaridka ah ee UCID oo ay ka socotay Marwo Xaliimo  Cismaan Raage iyo waliba xubin kale oo ka socotay Xisbiga Mucaaradka ah ee Kulmiye.
Kulanka oo ay hadleen masuuliyiinta lagu martiqaaday iyo ka qaybgalayaasha, ayaa si mug leh uga hadlay sidii dadka laga tirada badan yahay uga qaybqaadan lahaayeen talada dalka, isla markaana ku dhiirrigeliyey in aannu jirin wax la yidhaahdo hayb-sooc.
Kulankan oo soconayey muddo laba maalmood ah isla markaana lagu lafa gurayey sidii ay uga qayb qaadan lahaayeen siyaasada talada dalka iyo doorashooyinka la filaayo in ay ka qabsoomi doonaan dalka Jamhuuriyada Somaliland, ugu danbayntii kulankan waxaa soo xidhay Gudoomiyaha Ururka VOSOMWO Marwo Nimco.
Mahad Naq,
 
Gudoomiyaha Ururka
Marwo, Nimco Eid Sallan
 
And All VOSOMWO Staff members
Head Office Hargeisa,
Somaliland