Fadhigan maanta oo uu shirgudoominayey guddoomiyaha golaha Wakiiladda Somaliland Md: Cabdiraxmaaan Maxamed Cabdilaahi (Cirro), ayaa golaha ku wargaliyey in mudanayaasha labadda gole cod ku diidaan ama ku ogolaadaan in madaxweynuhu ka qaybgalo shirka London, isla markaana wax laga bedelo xeerkii shirarka Soomaaliya loo qabanayo ka yaalay Somaliland ee aan u ogolaanayn in shirarkaasi laga qaybgalo.

Ka hor intaan la ansixin go’aankan waxa golaha warbixin ku aadan shirkaasi iyo kulamadi madaxweynuhu la yeeshay qaar ka mid ah bulshadda rayidka ka siiyey wasiirka Arrimaha dibadda Somaliland Dr: Maxamed Cabdilaahi Cumar, waxaanu wasiirku sheegay in dawladda Ingiriisku u cadaysay meeqaamka ay kaga soo qaybgalayaan shirkaasi, isla markaana ay Somaliland ka mid tahay dalalka badan ee lagu casuumay shirkaaasi.

Waxa kale oo uu wasiirku warbixintiisa ku sheegay in madaxweynaha Somaliland laga siiyey hadal si uu aragtidiisa iyo talooyinka u aadan arrimaha Soomaalida ka dhiiban doono, isla markaana uu hogaamiyeyaasha caalamka ee shirkaasi ka soo qaybgalaya uu si toos ah ugu gudbin doono aragtidda Somaliland iyo qadiyadeedda.

” Somaliland shirkaasi waxay ka soo jeedin doontaa hadal dheer oo nuxurkiisu yahay inuu ka turjumo himilada qaranka Somaliland oo ay si toos ah ula hadasho hogaamiyeyaasha caalamka si ay qadiyadeena u taageeraan gacana uga gaystaan” ayuu yidhi wasiirka Arrimaha dibadda Somaliland Dr: Cumar.

Intaas ka dib waxay xildhibaanaddu wasiirka waydiiyeen su’aalo badan oo ku saabsan shirkaasi, isla markaana uu wasiirku ka jawaabay, ka dibna guddoomiyaha Wakiiladda ayaa wasiirada u sheegay inay iska baxaan si cod loo qaaddo arrintaasi.

Fadhigan ayaa waxa ka soo xaadiray 109 mudane oo ka tirsan labadda gole Wakiiladda iyo Guurtidda, waxaana ogolaaday inay Somaliland shir kasta oo loo qabanayo Soomaaliya ay ka qaybgalaan, isla markaana la bedelo xeerkii hore loo ansixiyey ee ka hor imanayey in shirarakaasi laga qaybgalo, waxaana ogolaaday 101 mudane oo sheegay inay Somaliland shirkasta oo ay Danni ugu jirto Somaliland ka qaybgasho, waxaana arrintaasi diiday 3 mudane, 4 mudani way ka aamuseen, guddoomiyuhun aanu codayn.

Waa markii ugu horaysay ee xildhibaanadda labadda gole ee Somaliland ay bedelaan isla markaana tuuraan xeer sanadkii 2000 soo saareen, 2003-diina dib loo cusboonaysiiyey oo diidayey in shirarka madaxda soomaalida loo qabanayo ay Somaliland ka qaybgasho.

Arrintani waa nidaam cusub oo xukuumadda uu hogaaminayo Madaxweyne Axmed Siillaanyo la timid, isla markaana wax ka bedeshay siyaasadii arrimaha dibadda ee Somaliland, isagoo horana ka qaybgalka shirkaasi ka soo ansaxsaday xisbiyadda mucaaradka ah iyo madaxdhaqameedka Somaliland, isagoo markii hore ka baqayey inay duufaano siyaasadeed oo mucaarad ahi kaga kacaan kaqaybgalka shirkaasi.

Related posts:

1. Jabuuti oo ka digtay shirka QM ay ku wado in uu ka dhaco Kenya
2. Guddiga doorashada Somaliland oo soo saaray Tirada codbixiyeyaasha Somaliland.
3. Mudaharaad looga soo horjeedo Cadaalad xumo kajiro Somaliland 10 Downing Street London

Ra’iisul wasaaraha oo ka hadlay shirka ayaa sheegay in xukuumadda KMG ah ay dadaal ugu jirto fulinta heshiiska Roadmap-ka ee lagu dhameystirayo xilliga KMG ah, ayna rajo-weyn ka qabaan in muddada u harsan xukuumadda lagu dhameystiro.

“Xukuumaddeydu waxay ballanqaadaysaa inay fuliso heshiiska khariidadda nabadda (Roadmap), taasoo noo ogolaanaysa inaan u gudubno hanaan cusub oo nabadgalyo iyo horumar salka ku haya,” ayuu ra’iisul wasaaruhu ku yiri khudbad uu ka jeediyay furitaankii shirka.

Sidoo kale, ra’iisul wasaaruhu wuxuu sheegay in xukuumadda uu madaxda u yahay ay ku tallaabsatay guulo muuqda intii ay jirtay kuwaasoo ay ka mid yihiin: inay sugeen nabadgalyada magaalooyin ay ka mid yihiin Muqdisho, Baladweyne, Dhoobley iyo kuwo kale oo ay dowladdu kala wareegtay Al-shabaab.

Ra’iisul wasaaruhu wuxuu khudbadiisa ku xusay saddex arrimoood oo uu sheegay inuu rumeysanahay inay aasaas u noqon karaan mustaqbalka dalka Soomaaliya, ayna fure u noqon karaan in horay loo socdo.

Qodobka koowaad ayuu ku sheegay: In la helo sharciyad, taasoo uu sheegay in lagu heli karo in xukuumaddu ay tusto shacabkeeda kalsooni dhab ah. sidoo kalena in sharciyaddu aanay ku imaan karin dadka oo cabsi la geliyo, sidoo kalena aysan sharciyaddu ka imaan karin dibadda dalka.

“Sharcinimada dhabta ah waxaa lagu heli karaa dib u heshiisiin, ammaanka oo lasoo celiyo, daganaasho, cadaalad dhab ah iyo fursado shaqo oo la abuuro,” ayuu yiri ra’iisul wasaaraha Soomaaliya, wuxuuna intaas ku daray: “Mudadii aan xilka hayay oo lix bilood ah xukuumadeydu waxay kaalmo u fidisay shacabka, waxay hormarisay hay’adaha caafimaadka iyo dayactirka wadooyinka, innagoo kaashanayna dhinacyo badan sida Turkiga.”

Ra’iisul wasaaruhu wuxuu hoosta ka xariiqay inuu rumeysan yahay in dowladnimadu ay shacabka ka timaaddo, isagoo yiri: “Waxaan doonaynaa inaan dib u dhisno xiriirka ka dhexeeya baarlamaankeenna iyo shacabkeenna – taasna waa midda aan ku doonayno in dib u habeyn lagu sameeyo baarlamaanka. Waxaan doonaynaa inaan abuurno awoodda sharci iyo mid wax-soo-saar si aan u helno dastuur iyo baarlamaan sharci ahm.”

Dhanka kale, C/weli Gaas wuxuu sheegay in sidoo kale ay fulinayaan qodobbadii lagu gaaray shirkii lagu qabtay magaalada Garoowe, kuwaasoo ay ka mid ahaayeen in la helo baarlamaan sharci ah. wuxuuna intaas ku daray in xukuumaddiisa ay kala shaqeynayaan dalalka caalamka iyo bulshada rayidka.

Qodobka labaad ayuu ku sheegay isla-xisaatan. Isagoo xusay in isla xisaabtanku uu saldhig u noqon karaa mustaqbal wanaagsan oo ay Soomaaliya gaarto. Wuxuuna ku daray intaas in qodobkan uu maqnaa tan iyo markii dowladdii dhexe ee Soomaaliya ay burburtay oo hadda laga joogo labaatan sano.

Isla xisaatanka ayaa wuxuu ku sheegay ra’iisul wasaaruhu inay xukuumaddiisu si aad ah xoogga u saartay muddadii ay jirtay, isagoo xusay in isla xistaabtanka ay ka mid tahay in la dhowro ballanta ah in la dhaqangeliyo wixii lagu heshiisyo sida in muddadii loogu talogalay looga gudbo xilliga KMG ah.

Qodobka saddexaad ayuu ku sheegay: Howl-karnimo, isagoo sheegay in loo baahan yahay in la dhameystiro howlihii la billaabay. Wuxuu sheegay in dunid ay ka billowday sannadkii 1992 howlo rajo soo celin ah, si looga baxo dhibaatooyinkii jiray sida macluusha iyo dambiyada, isagoo daboolka ka qaaday in iyadoo la joogo 2012 ay weli jirto macluushii, dambiyo ay ka mid yihiin in la xado gargaarka aadanaha.

Mar uu ka hadlay shirka London lagu qabanayo ayuu sheegay inuu soo dhaweynayo wuxuuna xusay saldhig u noqonayo dhameystirka heshiiska Roadmap iyo qodobbada heshiiskii Garoowe, isla markaana uusan ahayn laga dhinac furayo howlahaas.

“Shacabka Soomaaliyeed waxaan ugu baaqayaa inay aqbalaan shirkaas, madaaama uu yahay shir abuuraya awood lagu fuliyo howlaha na horyaalla, kuwaasoo ay ka mid yihiin dhameystirka qoraalka dastuurka iyo abuurista baarlamaan cusub. Inagoo rajeynayna in shirkaas uu dareenka dunida u soo jeediyo sidii Soomaaliya looga caawin lahaa xoojinta ammaanka. Waxaana rumeysannahay inuu noqon doono mid xal loogu helo burcadbadeedda dalkeenna,” ayuu yiri ra’iisul wasaare C/weli Gaas.

Ra’iisul wasaaraha xukuumadda KMG ah ee Soomaaliya, C/weli Maxamed Cali wuxuu u mahadceliyay Qaramada Midoobay oo agaasinka shirka qayb ku leh iyo dowladda Jabuuti oo martigelisay.

Related posts:

1. Ra’iisul wasaaraha Soomaaliya oo ka hadlay dhaqan-galka Roadmap-ka iyo Afduubkii shaqaalihii MSF
2. Dowladaha Iran iyo Soomaaliya oo ka wada hadlay xaaladaha murugsan ee xiligan ka jira gudaha wadanka Soomaaliya.
3. Ra’iisul wasaare Farmaajo oo sheegay inuu weli jiro muranka ku saabsan muddo kororsiga baarlamaanka

Bariisle Media:Wednesday,February,01,2012(Muqdisho)Diyaaradaha dagaalka Kenya ayaa lagu soo waramayaa in ay duqeeyeen deegaanka Hoosingow ee gobolka J/hoose, oo kamid ah deegaanada gobolka J/hoose ee ay gacanta ku hayaan xoogaga Alshabaab.

Related posts:

1. Diyaarado dagaal oo duqeeyay saldhigyo Shabaab
2. Qaar ka mid ah shacabka degmada Garacad ee gobolka Mudug oo ka cabanaya diyaarado shisheeya islamarkaana ugaarsanaya ugaarta deegaankaasi.
3. Diyaarado dagaal oo 10-ruux ku dilay degmada Jilib ee J/hoose

Kulankaani oo ah kii 11-aad oo ay isugu yimaadaan Guddiga isku dhafka ee amaanka dalka ayaa Mas’uuliyiintii kasoo qeyb gashay waxaa ka mid ahaa Mas’uuliyiin ka socotay dowladda KMG, Egeyga QM ee Soomaaliya Augustine Mahiga, Diblumaasiyiin Caalami ah, Qubaro Milatari oo ka socday Midowga Yurub, Agaasimaha guud ee Hay’adda IOM, iyo ergo kale oo ka kala socotay Ururada Midowga Afrika iyo IGAD.

Ku simaha Ra’iisul wasaaraha ahna wasiirka Gaashaandhiga Xukuumadda KMG Soomaaliya Xuseen Carab Ciise oo Warbaahinta la hadlay ayaa waxa uu sheegay in kulanka diiradda lagu saaray qodobo ay ka mid yihiin Milatariga, booliska, cadaaladda, Maamul u dhisida gobolada dalka iyo ladagaalanka burcad badeeda Soomaalida sida uu sheegay.

Augustine Mahiga oo ah u wakiilka gaar ah ee QM u qaabilsan Soomaaliya ayaa waxa uu sheegay in kulanka uu soo jiitay indhaha wadamada Beesha Caalamka, waxaana uu tilmaamay in qodobada ugu muhiimsan ee diiradda lagu saaray ay tahay arimaha la xiriira ladagaalanka waxa uu ugu yeeray ragagixisada Caalamiga iyo in la adkeeyo wada shaqeynta ka dhaxaysa dowladda iyo shacabka Soomaaliyeed.

Ambassador William Swing oo ah agaasimaha Hay’adda IOM ayaa oo kulanka ka hadlay ayaa waxa uu sheegay in dowladda KMG Soomaaliya ay ka caawin doonaan arimaha la xiriira hub ka dhigista iyo dhaqan celinta oo uu tilmaamay in ay ka keeni doonaan qorshooyin la xiriira arintaasi.

Kulankaani oo ahaa kii 11-aad oo ay isugu yimaadaan Guddi wadajirka amaanka dalka Soomaaliya ayaa waxaa lagu wadaa in saacadaha soo aadan laga soo saaro Warmurtiyeed ku saabsan arimaha dalka Soomaaliya gaar ahaan qodobadkii laga wada hadlay oo uu ugu muhiimsanaa amaanka dalka Soomaaliya

Related posts:

1. Kulan looga hadlayay arimaha Qaxootiga Soomaaliyeed ee dalka Gariiga oo shalay Athens ku dhexmaray dowlada Giriiga iyo Jaaliyada Soomaaliyeed.
2. Kulan Lagaga Hadlayey Sidii Dadka Laga Tirada Badan yahay uga Qaybqaadan Lahaayeen Siyaasadda Hoggaaminta Talada Dalka.
3. Kulan balaadhan oo lagaga hadlayey Arimaha Takoorka oo Burco ka dhacay!

Bariisle Media:Monday,Janaury,30,2012(HARGEISA)Waxaa Magaalada Hargeisa gaar ahaan Farasmagaalaha laga furay Rayiisle ama goob lagu qurxiyo Timaha, Rayiislahan ayaa waxaa uu noqday mid magac iyo muuqaal gaar ah ku soo kordhiya saaxada ganacsiga yaryar ee suuqyada Hargeisa.

haddaba Rayiislahan ayaa waxaa loo bixiyey magaca Midgaan oo inta badan somalidu adeegsato marka ay sifaynayaan qof ama qoomiyad xumaanteeda taas oo caado dhaqan noqotey iney adeegsadaan marka ay isku sheegayaan dhaliishooda isla markaana si ay u tilmaamaan haladaadka uu galo qofi,

“Waar Waxyahow Midgaanka ahi naga Aamus waxba ku hadli mayside” odhaahdan iyo kuwo kaloo lamid ahiba waxay dhagahaaga ku soo dhacayaan marka aad dhex fadhiisato ama aad dhex marto goobaha ay bulshadu ku badan tahay.

Magaca Midgaan ayaa sida badi bulshada qaarkeed aaminsan tahay ah magac hooseeya oo fool xun sidoo kalena logu yeedho qoomiyad ama qabiil kamid ah Somalida kuwaas oo mudo dheer lagu hayey takoor iyo tacadiyo dhinca nolosha ah oo aan ku saleysneyn diinta iyo dadnimada,

Bulshada magacan leh oo iyadu aan uba arag in wax shido ah uu leeyahay magacani ayaa waxa iyaguna qabaan fikrad taas ka duwan oo ah in Magcani yahay mid kamid ah magacda qabaa,ilka Somalidu leedahay kaas oo lagu xadgudbay sidoo kalena laga qaaday karaamadii iyo sharaftii uu lahaa,

Haddaba hadii aynu isyar dultaagno micnaha dhabta ah ee Magacan ayaa waxaa jira fasiraado kala duwan oo ay ka bixiyaan dadka iyagu aqoonta u leh cilmiga arimaha bulshada, qaarkood ayaa qaba in magacani yahay Gacanta Midig oo laga dhigay jamac noqoneysana Midgo. Sidaana waxaa sheegay nin ka soo jeeda bulshada magacan lagu takooro isagoo fasiraada magacanna ka hadlaya yidhi Alle waxaa uu ku sheegay Qur,aankiisa laba qolo oo lakala idhaahdo asxaabul yamiin iyo asxaabul shimaal. markaa magacani wax dhib ah malaha oo waxaa uu ka soo jeedaa qolada asxaabul yamiinka. ee ehlu jannaha ah waana sifo fiican oo ifka lanoogu bixiyey lagana maragkacay inaanu ehlu janno nahay waxaanan taas u daliil ah cidna ma dhibno cidna ma dhaleecayno ee anagaa lanagu xadgubnaa abaalkeedana Alle ayaanu ka rajeynaynaa inuu jannada nooga dhigo

dhinaca dadka qaarna qabaan fikrada ah in qabiilkani ahaan jiray qabiil boqortooyo ah oo jabey kadibna lagu xidhay intoodii soo hadhay xerooyin iyadoo bartaas lagu go,doomiyey kadibna maalinba midi dhiman jiray oo dadku odhan jireen waarmaantana midbaa go,ay midigo, laakiin odhaahyadan iyo fikradahan ayaa lagu tilmaami karaa kuwo salka ku haya qof aragtidiisa waayo somalida ayaan inta badan aheyn kuwo taariikhdooda oo sugan qoraal lagu haynin oo iyagu ah dad hadalka ku caan ah Oral Soceity waxaa afka qalaad lagu yidhaahdo.

si kastaba ha ahaate Magaca loo bixiyey Rayiiskan ayaa waxaa uu noqday mid badi bulshada ka dagi waayey waayo waxaa magacani uu ahaa mid bulshada dhexdeeda ka ahaa mid hoosaaya oo soo hadalkiisuna yahay wax aad u fool xun,

Khadar Muuse Nuur waa Mulkiilaha Rayiislaha Midgaanyare waxaanu ku booqanay Rayiislaha waxaanan su,aalnay sababta keentay inuu wakhtigan isagoo og qiimaha uu leeyahay magacani meheradiisa u bixiyo iyadoo waliba ah goob ganacsi oo cidkastaba imaneysa?

Ja: Horta wax ku jaban ama wax loo diido oo ii muuqataa ma jirto waana magac aan aad u jeclahay waanan macaansadaa marka agteyda lagu soo hadal qaado waayo waxaa uu kow ka yahay odhaahaha aan uugu jecelahay iney dhagaheyga ku soo dhacaan,

Haa waa dhab oo goobtu waa goob ganacsi magaca loo bixiyo iyo adeegeedana waxba iskamaga xidhna waayo intaas oo bakhaar ayaa magaalada kuyaal oo la idhaahdo Awcismaan miidhan kuwaa maxaa loogu odhan waayey maxaad uula baxdeen magacan? kanna waxaa uu kamid yahay Awcismaanyadaas un wax ku jabbanna ma jiro.

Su: Maxaa kugu kalifay inaad magacan la baxdo waayo waa magac la isku caayo oo bulshadu ka haysato dareen hooseeya?

Dareenkaasiba waa kaan rabo inaan meesha ka saaro, maxaa yeelay waxaa jiro waxyaabo badan oo dareen liita laga haystay tusaale haddii aan u soo qaato waxaa kamid ah cunnada aynu cunno qaarkeed sida Caloosha, Madaxa, iwm. haddii aan gasho hudheelada hargeisa fiidkaba ka heli maysid madax iyo calool, berigii hore waa laga wiswisi jiray cidda cuntana waa lagu caaji jiray sababtuna waxay aheyd dadka oo dhaqan xun oo jahliya haystay, laakiin imika magacyo fiican ayaa loo bixiyey oo ah Turubo, iyo Raas, markaa waxaa lagu suuliyey dareenkii laga qabay. tanna waa sidaas oo kaloo waxaa haboon in dareenkas liita un laga saaro.

Hadafkeyguna waxaa uu yahay in bulshadayadu ku faanto magacan oo aaney ka boqon runtana u sheegaan cidii cay ka dhigaysa. waxaanan aad uugu hambalyeynayaa dhalinyaradan danbe oo wax badan fahantay waxaanan ka rajeynayaa iney imandoonto maalin somalida dhexdeeda lagag faani doono waayo waynu ka warqabnaa yurub somalida joogtaa waa wada Midgo kuwa dalkuna waxaa mihiim ah iney wada midgo noqdaa.

i

waxay aheyd markii xaflad ilyartu isqabatey sannadkan gudihiisa uu ka dhex sharaxy magacan iyo micnihiisa lataliyaha Madaxweynaha arimaha dadka laheyb-sooco. Barkhad Jama Hirsi kana waramay qiso dhab ah oo ku saabsan magacan kana dhacday dalka England.

qisadan ayaa waxa ay dhex martay wiil somali ah iyo odey kamid ah odayaasha qabiilkan, wiilkan ayaa waxaa uu isku dhiibay magaca midgaan markii uu galay wadanka, maalin ayaa loo yeedhay loona sheegay inuu i soo diyaar garoobo wareysi lala yeelan doono.

wiilkii ayey jiq ku noqotey waxaanu miciin soo biday odaygii oo ahaa Mahdi Cismaan Buuri wasiirkii hore caafimaadka somaliland laakiin wakhtigaas ahaa reer london, kadibna wiilku waxaa uu ergo ahaan u soo kaxaysatay oday ehelkiisa ah si uu Mahdi uugala hadlo isla markaana Mahdi ka saacido aftirsiinta bulshadan.

Mahdi ayey u yimaadeen wiilkii iyo odaygiiba waxaanay u sheegeen iney marti maanta uuga yihiin inuu ka saacido arinkan, Mahdi ayaa waxaa uu arkey wiilkii oo naxdin iyo dhidid isku daray iskuna qaban laadahay qiimaha magacan maanta leeyahay iyo somali dhexdeeda wax uu ka ahaa naftiisiina ku qancin kari lah waar maantaad midgaan sheegani, Mahdi ayaa wiilka intuu ku soo dhaqaaqey dabadeedna laabta ka dhirbaaxay oo ku yidhi

“Abti Bi,i waaye Bahalka Laabta u sii daa”

Barkhad Jama

Related posts:

1. Akademiga Horumarka iyo Waxbarashada Dadka “Midig-maal”oo si rasmi ah looga furay Magaalada hargeisa!
2. Kulankan oo uu soo qaban qaabiyey Ururka Codka haweenka laga tirade badan yahay ee VOSOMWO isla markaana Maalgalisay hayada Caalamiga ah ee NED .
3. Ururka Codka Haweenka Laga Tirada Badan yahay Ee VOSOMWO oo Tobabar uga Furmay Magaalada Berbera 30 Qof oo ka mid ah Beelaha la Heyb-sooco

Hadaba ciyaartii ugu hureysay waxaa wada ciyaarey Kooxda Save oo kasootey Magaalada Toronto ee wadanka Canada iyo kooxda KW SOM-CAN oo ka soodey magaalda Kitchener ee wadanka Canada- Ciyaartaas oo ay kuuxda KW-SOM-CAN Soccer club ay ku badisey 4-2.

Sikastana ha ahaatee, kooxda KW ayaa ciyaarteedii labaad la ciyaartey Kooxda Hilac oo ka socotey magaalada Toronto ee wadanka Canada- ciyaartaas oo ay iyaduna gooshu raacdey Kooxda KW kadib markii ay kooxda KW ku badisey 5-3.

Hadaba wakhtigan oo la joogo, wakhti kooxo badani ay alaabtoodii xidhxidheen kadib markii ay kala kulmeen gooldaro

tartanka-

Sikas taba ha ahaatee dhinaca kale – ayaa tababara Kooxda KW SOM-CAN Soccer Club Xassan haybe Caateeye iyo Madaxa sare ee kooxda Idris talaabacade dabaaldagayaan iyaga oo sogaya Ciyaarta koobka , Iyaga oo diyaar u ah in ay koobka qaadaam geeyaana Magaaladooda Kitchener Waterloo

Qadar yar kadib ayay Ciyaartii koobku bilaabantey – Ciyaartaas oo ay iskaka huryimaadeen Laabada kooxood ee Kala ah Colombus Ohio- USA iyo Kooxda KW SOM-CAN Soccer Club.

Ciyaarto markey mareysay 18 daqiiqo kooxda KW SOM-CAN soccer club waxey lahayd sadex goal = kooxda Colombusna 0,

Ciyaartaas oo iyadu ku dhamaatey 7-1 gooshuna ku gaadhey Kooxda KW- SOM-CAN soccer club. Koobkana sidaas ayay kooxda KW SOM-CAN Soccer club ku soo qaadey .

Related posts:

1. Hanbaylo ! Dhalinyarada kubada Cagta Ee Shubayaashaa Oo ku Guuleystay koobkii Dhalinyarada somaliyeed lagu Qabtay Dalka Kuwait
2. Canada oo sheegtay inay qalabeynso ciidamada DKMG ah ee Soomaaliya si ay ugu guuleystaankuwa ka soo horjeeda
3. Tafatiraha Guud Ee Bariisle Media oo wareysi siiyey CTV National News and TSN Mr. Idis Talaabacade

 Bariisle Media:Sunday,January,29,2012(Addis Ababa)Shir madaxeedkii 18-aad ee ururka Midowga Afrika ayaa ka furmay maanta oo Axad ah magaalada Addis Ababa ee dalka Itoobiya, iyadoo guddoomiyaha cusub ee ururka Midowga Afrika loo doortay madaxweynaha Benin, Thomas Boni Yayi.

Kulankan oo ka furmay xarunta cusub ee Midowga Afrika oo ay dhistay dowladda Shiinaha ayaa wuxuu noqonayaa kii ugu sarreeyay ee madaxda Afrika ay yeeshaan kaddib dilkii hoggaamiyihii Liibya Mucamar Al-Qadaafi oo dhaqaale badan ku bixin jiray.

Ajandayaasha ugu waaweyn ayaa waxaa safka hore uga jiray arrinta Soomaaliya iyo howlgalka ciidamada AMISOM oo haatan ay tiradoodu tahay 10,000 oo askari, iyadoo madaxda AU-du ay sheegeen inay rajo weyn ka qabaan in ciidamadaas la gaarsiiyo 17,000 oo askari.

Qodobbada kale ee shirka lagu soo qaadayo ayaa waxaa ka mid ah xaaladaha ka taagan dalalka: Suudaan, Aljeeriya, Nayjeeriya, Maali and Muritaaniya, wuxuuna shirku socon doonaa laba casho.

Madaxweynaha Soomaaliya, Sheekh Shariif Sheekh Axmed ayaa ka mid ah madaxda ka qaybgalaya shirka ururka Midowga Afrika oo sannadkan ka duwan sannidihii hore maadaama lagu qabanayo xarunta cusub ee ururka oo ku fadhida 100-mitir oo dhul ah.

Dhanka kale, madaxweynaha Benin ayaa wuxuu xilka guddoomiyaha ururka Midowga Afrika kala wareegayaa madaxweynaha dalka Ekwatooriyaal Gini, Teodoro Obiang Nguema kaasoo xilka hayay muddo hal sano ah.

Madaxweynaha Benin, Thomas Yayi ayaa soo dhaweeyay doorashadiisa, wuxuuna ka sheegay kulanka inuu howlo badan qaban doono muddada halka sano ah, isagoo si gaar ah u taabtay dhinaca horumarka dhaqaalaha ee qaaradda.

Related posts:

1. Madaxweyne Sheekh Shariif oo kulan Addis Ababa kula qaatay Ra’iisul Wasaare Meles Zenawi iyo madaxweynaha oo ku sii jeeda Magaalada Nairobi ee dalka Kenya.
2. Ururka midowga Afrika oo doonaya qorshe ay ku tir tirayaan Al-Shabaab.
3. Ururka Midowga Afrika oo ku baaqay in la dhaqan galiyo cuno qabateyntii dhawaan lagu soo rogay dalka Eritrea.

Marka xiga waxaanu ku faraxsanahey in beesha muse dhariye ee dalka ku sugana ay muujiso moooqifkeeda iIyo taageerada ay u heyso dalkooda qaranimada jsomaliland lana garab istaagto taageero hiil iyo hooba ah sidey cadeeyen maqaalkii ciwaankiisu ahaa .

‘Waxaannu si Adag u Aaminsanahay in Jiritaanka iyo Goonni-isu-taagga Jamhuuriyadda Somaliland Tahay Muqadas’Baaqaas oo ay soo saareen qaar ka mid ah aqoonyahanka, dhallinyarada iyo siyaasiyiinta beesha Muuse Dheriyo waanu taageereyna baaqas,waanan ku faraxsanahey sida ay u cadeeyen aragtidooda iyo mooqifkooda ku aadan jiritaanta qaraniamada somaliland ..

laakiin waxaanu aad iyo aad uga xumaaney hadalo ku qoraan baaqalkaas Oo ah hadalo meel ka dhac ah loona dan lahaa odayaasha beelaha gabooye ee dagaan gobolada bariga somaliland ee dhawaan lagaga dhawaaqey ismaamulka aan meelba jiriin ee laablakaca ah ,iyadoo la adeegsanayo sharafta iyo karaamada beesha muse dhariyo leehdahey ayaa odayasha si aan looga fiirsan meel loogaga dhacey sharftoodii iyo karaamadooda laguna tilmaamey ,qaar calooshood u shaqeystayala oo ku qarabanaya magaca gabooye ,waxaan u aragnaa iney tahey meelka dhaac lagu gafey odayashaas beelaha gabooye ka tirsan ee dagan gobalda .bari ,waxaanu si sharaf iyo karamaba leeh uga raali galineyna haddii aanu nahey qurba joogta beesha muse dhariye meelka dhaca loo geystey odayasha beesha gabooye ee deegaankas bariga gobalada somliland waxaanu ka bixineyna raaligaan tolnimo iyo mid wada dhalashaba ah ,anagoo jecel in la qadariyo sharafta iyo karamada odayaasha beelaha gabooye ,beeshey doonan ha ahadeene ,marlabad ayaanu ka bixineyna raali galiin buuxda odayasha tolkayo ee lagu gafey.

Waxaanu halkan ku cadeyneyna haddii aanu nahey qurba joogta beesha muse dhariye ee reer somaliland inan marnaba raali ka heyn in la adeegsado sharafta iyo karaamada magaca beesha muse dhariye loona adeegsado in beelaha walalahaya gabooye ee nasabka iyo nikaaxba aanu wadaagno lagu gafo ama lagu duulo ,waanu ka soo horjeedna cidna ka yeeli meyno in tolka wada dhashey laga taliyo hadimadooda iyo in dab laga dhex shido meelka dhacna loo geysto hadey mid gaara iyo mid guudba tahey ,kana yeeli meyno cidii isku deyda falalka foosha xuun ee tolka lagu kala dilaayo.

waxaan kaloon marnaba qaadan kariin inshaqsiyaad adeegsanahey iney yihiin kuwa matala beesha muse dhariye aaney marnaba ku aflagaadoon doonin beelaha gabooye iyagoo ku hoos dhuumanaya sharafta iyo karaamada magaca beesha muse dhariye cidey mataalan jiriin oo beesha muse dhariye ah.anagana aney na mataliin shaqsiyaadka umada ku gafaaya. Waxaan ugu baaqeyna walalahayaga tolka muse dhariye ee ku adeeganaya sharafta iyo karaamada beesha muse dhariye iney ka waaan toobaan dhaqanada sidaasa ee tolka lagu gafayo ,

Waxaan ugu dmabeytiin ugu baaqeyna dadka aaminsan in gabooye ay kala tageen iney iska saaran figradaha qaldaan waxaan leehnahey beelaha gabooye ,waa beelo walalo anu nahey beesha muse dhariyena ay yihiin tol nasab iyo nikaax ka dhaxeeyo oo wada dhashey meelna an marnaba ku kala tageynin ee taas ogaada .

ha nooqanine ,,

Doqontii Meesha Lagu Ficil Tamaayey Moodey In Lagu Kala Tagey .
Halkan ka fiiri Maqaalkii http://www.togdheernews.com/v2/?p=12757

Mahadsanidiin ..

Afhayeenka Qurba joogta beesha gabooye.

Barkhad Xaaji Cabdi”MrGaboye”

Ontario Canada.

Related posts:

1. Qurba Joogta Beelaha Gabooye Oo Cambaareynaya Dhibtii Loo Geystey Haweenka Gabooye Magaalada Caynaba .
2. GUDOOMIYIHII QURBA JOOGTA BEESHA REER SHEEKH MUSE DHARIYE (MARXUUN-AXMED MAXAMED DHINBIIL))oo ku geeriyoodey magaalada Doha,qadar
3. Qurba Joogta Beelaha Gabooye Oo Baaq U Diraya Hay,adaha Xaquuqal Iisaanka iyo Baaq Cambaareyn Ku-JSomaliland.

Bariisle Media:Wednesday,January, 25,2012(HARGEISA)Bandhig Sugaaneed lagu daahfurayey Maansooyin aad uu xiiso badan oo ay curiyeen labada Abwaan ee aadka u da,da yar Mr. Cali Max,ed Ibrahim Dhanaaniye iyo Axmed Cali Axmed Cartan ayaa habeenkii xalay ahaa lagu qabtey Hotel Imperial ee Magaalada Hargeisa,

Xafladan oo si heersare ah loo soo agaasimay isla markaana ay soo diyaarisay qabanqaabadeeda iyo maalgalinteedaba Dallada Dhalinyarada Somaliland ee Sonyo ayaa waxaa ka soo qeybgalay Masuuliyiin kala duwan, Hal abuuro waaweyn, Dhalinyaro aad u tairo badan iyo waliba sidoo kale odeyga aadka miisaanka iyo muga uugu leh bulshada afka Somaliga ku hadasha ee Max,ed Ibrahim Warsame Hadraawi,

Haddaba waxaa ugu horeyntiiba madasha ka hadlay Gudoomiyaha Dallada Dhalinyarada Somaliland Mudane: Waceys waxaanu sheegay doorka dhalinyarada iyo ka shaqeynta aayahooda sida ay markasta uuga go,an tahay dallada sonyo, waxaanu Gudoomiyuhu tusaale u soo qaatey siday sonyo uuga shaqeysay xeerka dhalinyarada ee ka qeybgalka Siyaasada, Gudoomiyaha ayaa waxaa uu dareenkiisa ka sheegay sida caawa uu uugu faraxsan yahay inuu arko dhalinyaro aad u da,yar kuwaas oo mowhibadooda suugaaneed soo bandhigaya.

Waxaa intaas kadib mikrafoonka la wareegay labada Abwaan ee da,dayar waxaanay mid mid u soo bandhigeen sugaantooda, ugu horeyntiina waxaa si qurux badan oo farshaxannimo aad u heersaraysa u soo bandhigay laba gabay oo kala duwan Abwaan Dhanaaniye labadaas gabay ayaa waxay kala ahaayeen kuwo taabanaaya nolosha dhabta ah ee Bulshada laheyb-sooco iyo aayaha jaceylka dhalinyarada. Abwaan Dhanaaniye oo da.diisu tahay 14 Jir isla markaana dhigta dugsiga sare ee Magaalada Burco ayaa waxaa uu dareenkii dadka u soo jiitay si layaab leh isagoo si waafiya uga waramaya sababaha ku kalifay inuu ka gabyo arimaha Heyb-sooco iyo foolxumadooda ayaa waxaa uu Tusaalayaal badan u soo qaadanaya waxyaabaha ka dhex dhaca bulshada dhaxdeeda, abwaan dhanaaniye ayaa waxaa uu si qiiro leh uuga waramay takoorka iyo fool xumadiisa isagoo habsuugaamaysan dadkii hortiisa fadhiyey uugaga dhaadhicinaayey,

Madasha oo noqotey mid aad u yaab badan ayaa waxaa isna dhinaciis intaas kadib Mikrafoonka qaatey Abwaan Cartan waxaanu isna si nadxin iyo qiiro leh uuga waramay Tahriibka iyo dhibtiisa iyadoo aad arkeysay dhamaan dadkii oo dhabanada wada haysata iskuna qaban laadahay awooda suugaameed ee dhalinyaradan ku jirta iyo da,dooda.

waxaa intaask kadib isna madasha soo sadaxeeyey Abwaan Yaxye oo isna gabayo qaafiyad fiican leh oo ku saleysan noloshan casriga ah meesha ka akhriyey dhamaan dadkii dhabanada gacmaha ku hayey ayaad arkeysay waxoogaa yar kadib markii yaxye qaatey hadalka iyagoo qosol gacmaha wada tumaaya.

xidhiidhiyaha xaflada Mr. Canbuur oo kaalin weyn ku lahaa habsami u socodkeeda ayaa waxaa uu haddana ku celiyey Mikrafoonka Abwaan dhanaaniye iyo Cartan waxaanay iyaguna haddana saareen Dhinacii Jaceylkeyga Xumadiisa, Xanuunkiisa, iyo Xeradiisa. dadkii ayaa waxay haddana ku laabteen xaaladii hore ee ay ku jireen. inyar kadib waxaa iyaduna soo gashay Ifraax Max,ed oo kamid ah hal abuurka dalka waxaanay si waafiya oo loo wada bogay uuga warantay kheyraadka dalka iyo sida looga indha laayahay,

waxaa sidoo kale iyaguna madasha ka hadlay Abwaan Axmed Awgeed, Marwo Faadumo Siciid, Max,ed Daa,ud oo ahaa Gudomiyihii hore ee Gobolka Maroodijeex, Axmed Abokor oo ku hadlaayey afka akhristayaasha Somaliland, waxaanay dhamaantood ka wada hadleen faa,idada ay leedahay awood galinta dhalinyarada iyo sida ay mihiimka u tahay in la badiyo madalaha noocan oo kale ah.

Barkhad Jama Hirsi oo ah Lataliyaha Madaxweynaha Arimaha Bulshada oo isna madasha ka hadlay ayaa waxaa uu sheegay sida uu uugu faraxsan yahay dhalinyarada oo fahantay in takoorku yahay wax diinta iyo dadnimada aan ku saleysnay isagoo tusaalayaal badan u soo qaatey sidii foosha xumaday ee dhaqanku u galay bulshada laheyb-sooco iyo waliba sida uu u xabaal nololiyey, waxaanu Barkhad isagoo kaftamo fara badan oo dadka ka qosliyey madasha ka yidhi si gaar ah farta uugu fiiqay is badalka muuqda iyo sida ay Bulshada somaliland gaar ahaan da,yartu uugu heelan tahay waxkaqabadka arimaha takoorka waxaanu si gaar ah fata uugu fiiqay Dhanaaniye oo ah wiil aad u da,yar oo 14 jir ah sida ay maskaxdiisu u garatey dhaqanka foosha xun.

Barkhad ayaa waxaa uu sheegay inuu rabo in sannadkan haddii Alle idhaahdo wax badan xukumadu diyaar u tahay wax ka qabashada Takoorka isagoo sheegay in uu rajeynayo in xeer Barlamaan oo ciqaab huwan laga soo saari doono aflagaadoonyinka ku saabsan cirdiga iyo sharafta muwaadinka, Manhajka waxbarashada dalkana lagu dari doono arimaha la dagaalanka cunsuriyada iyo takoorka.

Ugu danbeyntiina waxaa madasha soo af xidhay Abwaan Hadraawi isagoo abwaanku hadlaaya ayaa waxaa uu yidhi: intaan noolaa xafladan oo kale maan arag waayo dhalinyaradan caawa waxa ay dareenkeyga geysay halkii ugu sareysay waxaana guul ah in wixii aanu in badan la qaylin jirnay ee ahaa sinaanta iinsaanka maanta la fahmay, waxaa aad iyo aad iiga qiireysiiyey gabayga Dhanaaniye ee ahaa maxaa lanagu gaasiray? waxaaney xafladu caawa ku macaaneyd arinkaas oo kaliyaata. waxaan Alle ka baryayaa hadalka badin maayee in is badal fiican imaado oo aad jaftaan waxyaabaha foosha xun ee bulshadaas lagu hayo.

xafladan oo si qiimo badan u dhacday ayaa waxaa Shahaado Sharafyo lagu siiyey Barkhad Jama Hirsi oo ah la taliyaha Madaxweynaha oo ay dallada Sonyo ku siisay dadaalkiisa iyo la dagaalanka takoorka iyo sidoo kale tusaalaha uu u noqday dhalinyarada Somaliland, iyo Cali Dhanaaniye oo ah abwaan aad u da,ayar oo ka gabyey qadiyada Takoorka.

Related posts:

1. Xaflad Aad u balaadhan oo lagu xusayey Abwaan C/laahi Cabdi Shube Oo Hargeisa Lagu Qabtey
2. Hanbaylo ! Dhalinyarada kubada Cagta Ee Shubayaashaa Oo ku Guuleystay koobkii Dhalinyarada somaliyeed lagu Qabtay Dalka Kuwait
3. Xaflada xuska 1-da Luulyo ayaa lagu qabtay dalka kuwait waxaa soo Agaasimay Ururka Dhalinyarada Somaliyeed ee Dalka kuwait

Wararka ka imaanaya magaalada Baladweyne ee gobolka Hiiraan ayaa waxa ay sheegayaan in weerar ismiidaamin ah uu ka dhacay magaalada Baladweyne gaar ahaan Xarunta gobolka Hiiraan ee magaaladaasi.

Gaari laga soo buuxiyay waxyaabo qarxa oo noociisu uu yahay Hoomeey kaasi oo uu saarnaa qof naftiis hure ah ayaa waxaa la sheegay in uu galay Xarunta gobolka Hiiraan ee Baladweyne halkaasi oo ay ku sugnaayeen ciidamo Ethiopian ah.

Macadda qasaaraha dhimasho iyo dhaawac ee ka dhashay weerarkaasi ismiidaaminta ah hase ahaatee qaraxa ayaa waxaa uu bur buriyay guryo badan oo ku yaalay halka weerarka uu ka dhacay .

Saraakiil u hadlay Al Shabaab oo sheegtay Mas’uuliyada weerarkaasi ayaa waxa ay sheegeen in ay la beegsadeen ismiidaaminta Saraakiil iyo ciidamo Ethiopian ah oo ku jiray saf balaaran loona jeedinayey qudbado kuwaasi oo ay sheegeen in ay gaarsiiyeen qasaaro dhimasho ayna ka gubeen gaadiid ay lahaayeen.

Wasiirka qorshaynta iyo xiriirka Caalamiga ah ee dowladda KMG oo ku sugan magaalada Baladweyne oo ay Shabelle la xiriirtay ayaa waxa uu sheegay in uu jiro weerarkaasi ismiidaaminta hase ahaatee uusan ka war hayn sida ay wax u dhaceen, waxaana uu sheegay in ay dib ka sheegi doonaan sida uu falkaasi u dhacay iyo qasaaraha ka dhashay.

Related posts:

1. Faah faahin dheeri ah oo ku saabsan qaraxii ismiidaaminta ee Muqdisho.
2. Faah faahin kasoo baxeysa weerar ka dhacay xalay Magaalada Gaarisa
3. Faah faahin dheeri ah oo ka soo baxayso ciidamo shalay gaaray Somaliland.